Es grãdes croniques de
Bretaigne nouuellement imprimees a paris : tant de la grande
Bretaigne depuis le roy Brutus qui la cõquiſt et la appella
Bretaigne iuſques au tẽps de cadualadrus dernier roy breton
dicelle grande Bretaigne enſemble tous les auſtres bretõs
y eſtans lors furent cõtrains de habandonner le pays pour les peſtilẽces de maladie
qui y ſouruindrent que lors les angloys de ſaxonie y vindrent habiter et
la nommerent Angleterre. Que auſſi de noſtre bretaigne de preſent depuis la
conqueſte du roy conan meriadec breton / qui lors eſtoit appelle le royaulme darmorique
iuſques au temps et treſpas de francoys. ii. de ce nom duc de bretaigne
dernier treſpaſſe pere de la feue royne de france nagueres decedee a qui dieu pardoint /
eſquelles cronicques eſt mencion faicte daucuns notables faiz aduenuz
es royaulmes de France Dangleterre Deſpaigne Deſcoſſe Darragon : et de
nauarre / es Allemaignes / es Itales / en Lombardie / en Tartarie / en Ihieruſalem :
& aillieurs en pluſieurs auſtres pays et contrees durant le regne dun chaſcun
roy et prince deſȣ deux bretaignes.
⸿ Imprime a Paris par la permiſſion de treſhault / treſexcellãt / treſpuiſſãt et treſchretien prince Loys. xii. de ce nom roy de france aux deſpens fraiz & miſes de Galliot du pre marchant libraire demourant a paris tenant ſa boutique en la grant ſalle du palays au ſecond pillier / auquel leȣ ſeigneur a permis les faire imprimer cõme appert par ces lettres patentes eſtant au premier fueillet de ce liure.