& faize religieux. Labbe de Marmouſtier nomme Herbernus, & vingt quattre de ſes religieux ſe muſſerent es cauernes & par ce moien eſchapperent, & euaderent la mort; puis apres les Normans ſen retournerent au Mans, & apres que ilz furent partiz de Marmouſtier labbe Herbernus, & ſes xxiiii moynes yſſirent de leurs cauernes, entrerent dedens la ville de Tours, & furent honorablement recueilliz par les chanoines de ſainct Martin & reſiderent en la ville de Tours ſix moys, puis apres Rollo print la ville du Mans & furent nouuelles quil venoit aſſieger Tours. Pour crainte de Rollo le corps de ſainct Martin fut enuoye a Orleans ſoubz la garde & conduitte de labbe Herbernus, de ſes xxiiii moynes & de xii chanoines auecques xii bourgeois de Tours, & depuis le portèrent d Orleans a ſainft Benoiſt ſur Loire, car ilz doubtotent que les Danois voulfiſſent venir a Orleans. Et pource quilz furent aduertiz que Rollo eſtoit ia venu pres d Orléans ilz partirent de la & tirerent a Aulſerre, & miſdrent le corps ſainct Martin pres le corps de ſainct Germain eueſque d Aulſerre, & la furent faiz pluſieurs miracles & grans dons & preſens y furent oſſers, ſur lefquelz dons furent queſtions & querelles entre les Tourengeaulx & les Aulſerrains pour la particion des pecunes, car chacun difoit que ſon ſainct faiſoit les miracles. Et pour terminer la queſtion fut mis vng ladre entre les deux corps ſaincts, lequel fuſt lie & garrote tellement quil ne ſe pouoit tourner, ſi fut toute la nuyt garde ſeurement, & au poinct
du iour fut la moitié du ladre qui eſtoit prochaine du corps ſainct Martin trouuee ſaine & guerie, & lautre moytie eſtoit encores lepreuſe; la nuyt enſuyuante le ladre fut remis & lie entre les deſſuſdiz corps faînetz & couchèrent la partie ladrcffc du cofte de fainft Martin, & le lendemain le ladre fut trouue entièrement guéri & fain. Et par ce moyen ſainct Germain deffera lhonneur a ſon hofte. Voiez Helmandus, Guillaume Odo de Cluny & auſſi Vincent ou xlve chapitre du xxve liure du miroer hiſtorial.
Le royaulme de Bretaigne fut par le temps de xxvi ans depuis la mort du roy ſainct Salomon en grande diuiſion par les guerres des Normans & par les diuiſions que les barons & principaulx feigneurs du pays auoient les vngs contre les autres. Et ſe le royaulme de France euſt eſte lors en paix & tranſquillite, lon y euſt ioinct & vni le royaulme de Bretaigne comme il auoit eſte au temps de Charlemaigne & de Loys le debonaire; mais en France y auoit lors dure guerre par les deux baſtards Loys & Charlemant, qui vſurperent le royaulme comme il eſt douant recite. Et Charles le Simple qui depuis fut roy, eſtoit lors moult ieune, parquoy nentendoient les Francoys ſinon a culx garder & bien gouuerner ce quilz tenoient. Et ce pendant deux freres, nobles ſeigneurs de Bretaigne, Alain le grain & Paſtenetenus, qui eſtoient les plus prochains héritiers des precedens roiz, ſe enſaiſinerent de ce royaulme de Bretaigne & ſen firent princes & ſeigneurs comme il fera dit cy apres.
