rofarius auec pluſieurs gens de
guerre ſes aliez des parties des
Gaules vint aſſaillir Brutus & laſſiegea
en ſon chaſteau & Grofarius y
tint le ſiege par quelque eſpace de temps. Touteffoys
Brutus & Corineus qui eſtoient dedens
la place delibererent que vne nuyct Corineus
ſortiroit auecques trois mil Cornubiais par vne
ſecrete porte de leur nouueau chaſteau du coſte
dont les aſſaillans neſtoient & ce muceroient es
foreſtz denuiron. Ce quilz firent. Et au matin
Brutus ſaillit dvne aultre part auecques bon
nombre de gens hors de ce chaſteau ſur Groffarius
& ſes gens, leſquelz par ce moyen ſe
trouuerent en telle neceſſite que Groffarius
apres la bataille qui fut moult aſpre & dure
fut contraint de leuer ſon ſiege & ſ’en fuir.
Turnus le troyen nepueu de Brutus fiſt en ceſte
bataille de plus beaux faictz darmes que nulz
aultres quelzconques apres Corineus. Et dict
le bruit, que Turnus de ſon eſpee occiſt celuy
iour ſix cens hommes des gens de Grofarius.
Turnus eſt occis en bataille.Touteffoys il y fut occis par les Gaulois dont
Brutus ſon oncle & le ſurplus des Troyens
menerent moult grant dueil. Le corps de luy
fut ſelon la maniere des Troyens haultement
enſepulture & mis en ce chaſteau, lequel a
celle cauſe fut deſlors & de ſon nom appelle
Tours & eſt le lieu ou la ville de Tours eſt a
preſent.
⸿ Comment Brutus conquiſt liſle d Albion & lappella Bretaigne.
rutus fut moult dolent de la perte de
Turnus ſon nepueu & de pluſieurs
de ſes gens qui furent tuez en ceſte
guerre & pour ſauluer le demeurant
ſe retira en ces nauires leſquelles il fiſt mectre
en mer & tira es parties de liſle d Albion ou il
arriua & trouua icelle iſle habitee de geans leſquelz
Brutus deſcend en liſle d Albion la conquiſt & la nomma Bretaigne.il combatit & chaſſa hors du pais & ſubmiſt
liſle en ſon obeiſſance, ſen fiſt couronner
roy, & la fiſt appeler Bretaigne affin que a iamais
il fuſt memoire de ſon nom : & eſt liſle
qui eſt a preſent appellee Angleterre. Et eſtoit
tout le pais d Eſcoſſe des deppendences d Albion & de la conqueſte de Brutus. Ceſte iſle fut Albion appellee pour les blancs rochers dont elle eſtoit auironnee. Brutus fiſt edifier ſur la riuiere de la Tamiſe une cite qu’il nomma la neuue Troye qui depuis fut appellee Ternouatum & eſt a preſent appellee Londres. Volateranus dict que liſle fut appellee Albion de la fille du roy de Syrie nommee Albine pour ce que elle & xxxii de ſes ſeurs elles tuerent leurs maritz en Syrie & leur pere les dechaſſa & relega en icelle iſle. Depuis elles prindrent des maritz dont elles eurent des enfans qui furent geans & de celle Albine fut liſle appellee Albion. Et y a quelque hiſtoire qui contient que incontinent que Brutus fut a terre deſcendu, une petite beſtelette blanche de la forme dune muſtelle que on appelle ermine ſaparut a luy & ſe miſt ſur ſa tergette et ſy tint quelque peu de temps. Et a celle cauſe print deſlors Brutus lermine pour fes armes. Touteffoys aultres ont voulu dire que le roy Artus le preux print les armines en ſes armes pour ce que miraculeuſement la Vierge Marie mere de Dieu ſe apparut a luy ainſi quil combatoit vng payen en liſle de Paris, comme il ſera cy apres recite. Enuiron celluy temps regnoit en Iſrael Dauid roy & prophete. Veniſe & Padoue furent fondees lors. Et en Italie regnoit le roy Latinus Siluius qui compoſa les rigles du latin.
⸿ Du partaige que Brutus fiſt a Corineus.
rutus après quil fuſt paiſible roy departit
a Corineus certaine porcion
de ceſte terre a eſtre tenue de luy
a tiltre de duche, en laquelle portion
ſe tira Corineus auecques ſes gens & fiſt appeller
ceſte porcion Cornoaille affin quil fuſt a
iamais memoire de ſon nom & auſſi pour ce
que le pais eſt ſitue en vne des cornes de liſle
de Bretaigne. Et poſſida Brutus liſle de Bretaigne
comme roy par le temps de xxiiii ans, comme
recite Vincent au xviie liure vie chapiſtre de ſon
Speculaire hiſtorial.
