Cette page n’a pas encore été corrigée
Que nus le pourrait essaier ;
Une ne péumes tant cerchier
Que riens y péussiens trouver
Qui neent li péust grever,
Car en lui ne trouveroit-on
Nule chose se tout bien non.
Toutes voies vout-il venir
En terre pour s’uevre et morir :
Mout ha donques cele uuevre chier,
Quant si chier la vout acheter
Et si granz peinnes vout soufrir
Pour homme avoir et nous tolir.
Bien deverians labourer
Que nous péussians recouvrer
Ce qu’il nous vient ainsi tolir.
Il dist qu’il ne vient rien seisir
Ki nostre doie estre par droit :
Chaucuns donques de nous devroit
Tant pener et tant traveillier
Que le péussions engignier :
Feisuns-le donc en teu menniere
Qu’il ne puist repeirier arriere,
Ne paller à ceus n’eus vooir
Qui de lui assourre unt pooir
