Cette page n’a pas encore été corrigée
Et ce qui est dedenz li di :
C’est dou sanc qui de moi issi.
S’il le croit ainsi vraiement,
De toi aura confermement.
Moustre-li comment Ennemis
Engigne et deçoit mes amis
Et ceus qui se tiennent à moi,
Que il s’en gart, car je l’en proi.
Ne li oblie pas à dire
Qu’il se gart de courouz et d’ire,
Que il enhorbetez ne soit :
Maubailliz est qui bien ne voit.
La chose très bien court tenra :
C’est ce qui mieux le gitera
Et plus tost de mauveis pensez
D’estre tristoiez ne irez.
Cest choses mestier li arunt
Et mout très bien le garderunt
Contre l’enging de l’Ennemi,
Qu’il ne puist rien avoir en lui.
De la joie de char se gart,
Qu’il ne se tiegne pour musart :
La char tost l’ara engignié
Et mis à duel et à pechié.
