Cette page n’a pas encore été corrigée
-- « Et queu sera la renumée
Do veissel qui tant vous agrée ?
Dites-nous, comment l’apele-on
Quant on le numme par son non ? »
Petrus respont : « N’ou quier celer,
Qui à droit le vourra nommer,
Par droit Graal l’apelera ;
Car nus le Graal ne verra,
Ce croi-je, qu’il ne li agrée :
A touz ceus pleist de la contrée,
A touz agrée et abelist ;
En li vooir hunt cil delist
Qui avec lui pueent durer
Et de sa compeignie user,
Autant unt d’eise cum poisson
Quant en sa mein le tient uns hon
Et de sa mein puet eschaper
Et en grant iaue aler noer. »
Quant cil l’oient, se l’greent bien ;
Autre non ne greent-il rien
Fors tant que Gaal ( _sic_) eit à non :
Par droit agréer s’i doit-on.
Tout ainsi cil qui s’en alerent
Et cil ausi qui demeurerent
