Cette page n’a pas encore été corrigée
Adonc repenras le poisson
Que t’avera peschié Hebron.
D’autre part le mest bien et bel
Tout droit encontre ten veissel ;
Et quant tu tout ce feit aras,
Tout ten pueple apeler feras
Et leur di que bien tost verrunt
Ce de quoi dementé se sunt,
Qui par pechié ha deservi
Pour quoi leur est meschéu si.
Adonc quant tu seras assis
En cel endroit là où je sis
A la Cene, quant je i mengei
O mes deciples qu’i menei,
Bron assié à ta destre mein :
Lors si verras trestout de plein
Que Brons arriere se treira
Tant comme uns hons de liu tenra.
Icil lius wiz si senefie
Le liu Judas, qui par folie
De nostre compeignie eissi
Quant s’aperçut qu’il m’eut trahi.
Cil lius estre empliz ne pourra
Devant qu’Enygeus avera
