mutilé pour en porter les nouuelles. Les autres ne veulent pas se vanger en leur pays des Ambassadeurs, pour ne sembler jnfracteurs de la foy mais bien ils envoyent après pour les tuer, comme fist Tuca Reyne de Sclavonie envers le plus jeune de trois Ambassadeurs Romains, qui l’a voit menacee. Mais le Roy de Moschouie fit bien pis, voyant que un certain Ambassadeur Italien se couvroit devant quon luy dist,il luy fit attacher son bonnet sur la teste avec un clou , chose cruelle et barbare, et neantmoins il y avait de la faute de la part de l’Ambassadeur, qui doibt tenir son rang, & la dignité de son maistre, pourveu que cela se face sans mépris du prince auquel on l’envoye. Car quelquesfois les Ambassadeurs s’apuyans de la grandeur de leur maistre, s’oublient env ers les moindres princes , et mesmement les hommes nourris es estats populaires, accoutumez de parler en toute liberté, pensent qu’il en faut ainsi user envers les Monarques, qui n’ont pas accoustumé de ouyr parler franchement, et moins encores qu’on leur die la vérité, qui fut cause que Philippe le jeune Roy de Macedoine voyant que l’Ambassadeur Romain l’interrogea trop hardiment, ne se peut tenir de le braver par contumelie. Popilius Ambassadeur Romain,fut encores plus audacieux envers Antioque Roy d’Asie, faisant un rond avec une verge autour de la personne du Roy, en luy disant qu’il rendist response devant que fortir du cercle. Obstupefactus est Rex tam violenti impe rio : et toutesfois il fist ce que les Romains luy mandoyent. De mesme liberté usa Marius l’aisné envers Mithridate Roy d’Amasie car combien qu’il n’eust ny charge d’Ambassadeur, ny d’officier, si est-ce qu’il dist au Roy qu’il falloit obéir aux commandemens du peuple Romain, duquel il ne tenoit rien, ou bien estre le plus fort. Alors Mithridate eprouva ce qu’on disoit des Romains, qu’ils estoyent plus libres en parole que les autres peuples. Et quelquesfois la liberté trop grande sans injure offense les princes : qui fut cause que Marc Antoine fist fouetter l’Ambassadeur d’Auguste. Mais les plus advisez se voyans injuriez n’offensent point les Ambassadeurs, ains ils demandent réparation de l’injure à leur maistre : ou bien ils denoncent la guerre : ainfi fist Charle Comte de Bourgon gne qui dist aux Ambassadeurs du Roy Loüys xi que son chancelier luy avoit bien lavé la teste, mais que le Roy s’en repentiroit et n’y faillit pas aussi. Mais le Roy François pour eviter telle contumelie fist dresser un gibet à la venue du herault d’Espagne, le menassant de le faire pendre s’il ouvroit la bouche, après le defy qu’il avoit dénoncé à l’Empereur Charles v.
Chap. ix.