Cette page a été validée par deux contributeurs.
59
v. 1144—1179
pincedés
Dont m’en porteras tu avoec,
Par foi, que ja n’en aras mains !
Pincedé et Rasoir se disputent les besants
rasoirs
Lais les !
pincedés
Que je ne te crieve les iex !
caignés
Sire, cist resont par cavex :
Oés comme il fierent grans caus !
li tavreniers
Que c’est ? Pinchedé, iés tu faus ?
Lai le tost, et tu lui, Rasoir !
Si vous alés andoi seoir !
Bien sai dont li affaires vient :
Metre seur mi vous en couvient,
Ne voeil pas vers vous entreprendre.
pincedés
Jou l’otroi, sans les besans prendre.
rasoirs
Et jou, mais mout le faç pesans.
li tavreniers
Cliquet, pren trestous ches besans.
Si les regetés en che coffre.