Cette page a été validée par deux contributeurs.
47
v. 931—973
Che seroit ja uns mautalens.
Et tu, Cliquet, verse vin ens,
Si donne a boire Pinchedé.
Jel voeil que soiés acordé,
Puisqu’il est en men jugement.
clikés
Pinchedé, je le vous ament :
il verse une rasade à Pincedé
Par acorde le vin vous doins.
pincedés
Cliquet, et je le vous pardoins ;
Bien sai que vins le vous fist faire.
[clikés]
Segneur, or parlés d’autre afaire,
Si que chaiens chascuns s’aquit.
Il est mout passé de le nuit,
S’est bien tans d’aler a la brune,
Car esconsee est ja li lune,
Et chi ne gaaignons nous rien.
[rasoirs]
Ostes, car le nous faites bien ;
Un poi de deniers vous devons,
Mais ailleurs le gaaing savons,
Ou mout sera grans li conqués,
Car nous prenderons tout a fés,
La ou nous savons, le tresor.
De grans plates d’argent et d’or
Avra chascuns son col carchiet.
