Cette page a été validée par deux contributeurs.
41
v. 834—866
rasoirs
A cest caup soit fais tous li vins,
Qu’i metriens nous jusc’ a demain.
pincedés
Dont giet chascuns devant le main.
rasoirs
Jou l’otroi.
clikés
Et jou l’otroi bien.
pincedés
Va, de par Dieu ! sans mal engien,
Segneur, par foy ! G’i voi tous quinnes.
pincedés
Or me doinst Diex toutes les sines,
Ausi que on les porte vendre !
rasoirs
Ceste caanche est assés mendre,
Pinchedé, que tu gieté as :
A paines i a il nis as.
Bien le doit comprer tes pourpoins.
Pour cinc deniers giete cinc poins :
C’est rieule ; a tant pués tu conter.
pincedés
Dehait qui te fera geter.
