LA BELLE MAGUELONNE.
chercher! glorieux dieu de toutes choses! Veuillez me pardonner mes péchés et mes defaillemens, car contre vous, seigneur dieu, ay péché et ay fait tant de maux que je suis digne de souffrir ceste mort et cent fois plus angoisseuse. Et aussi, seigneur dieu, 5 je suis content de la souffrir et de ne plus vivre. Et la souffriray encores de meilleur cueur si je savoie que ma belle amie et espouse ne souffrist nulle douleur et nul mal; mais ceci ne peut estre. Hée! douce Maguelonne, noble fille de roy, comment pourra 10 souffrir vostre délicieuse personne de vous trouver toute seule au bois! Helas! ne suis je pas mauvais et faux de vous avoir jeté du pays de vostre père, ou vous estiez si noblement tenue. Hée, ma leale espouse! Or suis je mort par quoy est petite chose, et vous estes morte, 15 par quoy est un grant dommage, car vraiement, vous estes la plus belle dame du monde. glorieuse vierge Marie! A vous la recommande que la veuillez garder de mal et deshonneur. Vous savez, dame, "^ qu'en nostre amour n'a eu volenté deshonneste. Plaise vous, ainsi 20 comme elle avoit noble propos et nette volenté, qui estes la plus nette et pure créature que jamais dieu créa, luy secourir et aider qu'elle ne puisse périr comme une vile créature et veuillez adresser, dame, mon ame, qu'elle viegne a salvacion par vostre miseri- 25 corde. Hée, douce Maguelonne! Jamais ne me verrez, ne moy vous. Nostre amour en mariage a peu duré.
��*'-^*«'- 57
�� �
