LA BELLE MAGUELONNE.
aurez nouvelles de ma mort et que pour occasion de vous sera finée Maguelonne, vostre leale amoureuse. Pourquoy, mon cher seigneur et amy, je vous prie que ne me celez point vostre partement, car certes, incontinent que je sauray que vous serez party, je 5 me mettray au chemin pour vous suivre. Et si say bien que je n'iray gueres loin sans mourir, et vous serez cause de ma mort, laquelle sera cruelle. Toutes- fois, sïl vous est nécessaire de * partir, je vous prie que nous en allons ensemble et que vous m'emmenez". 10
��COMMENT PIERRE ET MAGUELONNE ENTREPRINRENT LE JOUR POUR EUX EN ALLER.
Et quant Pierre ouyt ainsi piteusement parler Maguelonne, a peu que le cueur ne luy faillit de la grant pitié qu'il avoit de la belle Maguelonne. Et 15 il disoit: ,,Ma chère et noble dame, ne plourez plus, et ne vous donnez plus travail car j'ay délibéré en moy de ne jamais partir de vostre pays tant que je verray la fin de vostre aventure, et j'aimeroie plus- tost mourir que vous laisser ne vous faire un seul 20 desplaisir, toutesfois s'il estoit vostre bon plaisir de vouloir venir avec moy. Et ne doubtez, ma douce dame, car en toute honnesteté vous y meneray s'il vous plaist y venir, et garderay les serments et pro- messes que autrefois vous ay faites. 25
��f. 141. ^^
�� �
