LA BELLE MAGUELONNE.
leva en séant et dit : „Ma chère nourrice , vous soyez la très bien venue. Helas! m'apportez vous nou- velles de celuy que j'aime tant. Certes, ma douce nourrice, si vous ne me donnez aucun confort que je le voie et que je parle avec luy je mourray." 5
Lors dist la nourrice: „Ma noble dame et ma cliere fille, je vous apporte telles nouvelles et vous donneray tel conseil que vous en serez joyeuse. Et si dieu plaist cognoistrez que je vous aime. Et lors Maguelonne saillit de son lit a terre et alla accoler 10 sa nourrice et luy dit: ,,Ma chère nourrice, dites moy ces douces nouvelles."
Et la nourrice luy commença a raconter comment Pierre estoit venu devers elle. ,,Et m'a demandé de vous tant qu'en la fin m'a déclaré son courage, com- 15 ment il est tant amoureux de vous qu'il en meurt. Et croyez, douce fille, que si vous avez douleur ne peine pour luy qu'il en a bien autant pour vous. Et sur tout ay plaisir que l'amour qu'il vous porte est leale et bonne et comprise en noblesse et honnesteté, 20 dont je suis fort joyeuse. Et sachez, ma noble fille, que jamais chevalier de sa jeunesse ne parla si sage- ment comme il m'a parlé et ne '^doubtez que sans faute il doit estre fils de quelque grant prince. Le fait est tel, qu'il désire sur toutes les choses du monde 25 de parler a vous en secret et illec est content de vous déclarer son cas et vous dira son lignage et
��* f.l29".
�� �
