LA BELLE MAGUELONNE.
Quant la nourrice ouyt ainsi parler Maguelonne, qui si tost vouloit descouvrir sa volenté, fut fort doulente et luy dit: „Ma noble dame et ma * douce fille, je vous prie que vous ne mettez tout ce propos en
5 vostre cueur, car méchante chose seroit que tant noble dame et si belle fille comme vous estes abandonnast si tost s'amour a un estranger."
Quant Maguelonne ouyt cecy ne la put plus escouter, mais toute courroucée dit a sa nourrice:
10 „Ne le nommez plus estranger, car cestuy est mon seigneur et non autre. Pourquoy n'est pas a moy estranger, ne au monde je n'ay plus chère personne que luy, car je suis toute sienne que jamais homme ne me muera de cestuy propos, pourquoy je vous prie
15 que jamais ne me veuillez dire semblables paroles si vous voulez avoir m'amour et ma grâce."
Et lors la nourrice, regardant sa volenté, ne la voulut plus contrarier mais luy dit: „Ma chère dame et fille, je ne le dis si non pour vostre honneur, car
20 les choses qui se font par volenté hastive et par des- ordonnement n'est pas honneur a celuy qui les fait ne son tant prisées de ceux qui les entendent. Je vous loue bien que vous l'aimez, car certes il en est digne, mais que vous le faciez honorablement comme se doit
25 faire. Et si vous le voulez ainsi faire, belle Mague- lonne, ne vous doubtez, car je vous donneray le meilleur conseil et aide que je pourray et si ay es-
��'■ "■ 20
�� �
