LA BELLE MAGUELONNE.
VOUS retiens mon chevalier." Sur ces paroles la royne s'en va entrer en sa chambre, pourquoy estoit force que Pierre et Maguelonne se départissent, non- obstant qu'il leur grevast fort. Toutesfois Mague- lonne dit a Pierre: „Noble chevalier, je vous prie 5 que vous venez esbatre souvent céans, *car j'ay grant talent de parler avec vous des armes et vail- lances qui se font en vostre pays. Et me desplaist quant a présent ne pouvons estre avec vous plus longuement." Et en prenant congé de luy le regarda 10 tant doucement, dont fut plus fort navré que devant. Et ainsi s'en entra la royne et sa fille Maguelonne et les autres dames et damoiselles, et demoura le roy avec Pierre et luy fit grant feste et honneur. Et moult doucement luy demanda dont il estoit ne de 15 quelles gens. Mais ne le put onques savoir, sinon qu'il estoit un pauvre chevalier chrestien du pays de France qui alloit cherchant son aventure par le monde, a conquester honneur et pris, dont le roy le tint pour sage et de grant cueur et ne voulut plus enquérir, car 20 il cognoissoit que n'estoit sa volenté d'en plus dire autre chose. Et pour ce le roy partit d'illec pour s'en aller reposer. Et Pierre prit congé du roy et des autres seigneurs, et s'en alla chacun en son logis. 25
��f. 123.
��13
�� �
