LA BELLE MAGUELONNE.
milieu du conte et de la contesse et leur dit qu'elle vouloit un peu parler a eux en sa chambre, et ils allèrent moult volentiers. Et quant ils furent près de la chambre l'hospitalière leur demanda : „Monseigneur
5 et vous madame, *cognoistriez vous point vostre fils si vous le voyez?" Et ils respondirent que ouy.
Et quant ils entrèrent en la chambre, et Pierre vit son père et sa mère, il se mit a genoux en terre. Et quant ils le virent, tous deux coururent a l'em-
10 brasser et le levèrent de terre et de grant joie qu'ils avoient ne lui purent dire mot d'une grant pièce. Tantost le bruit fut partout que leur seigneur Pierre estoit venu, et qu'il estoit dans la chambre de l'hos- pitalière avec le conte et la contesse. Et lors vous
15 vissiez venir dames et damoiselles, chevaliers et es- cuiers et toutes manières de gens faire feste a Pierre comme leur seigneur.
Sur ce commença la feste avec grant joieuseté. Et pendant ce que icelle feste duroit et que le conte et
20 la contesse et Pierre estoient assis et parloient en- semble Maguelonne s'en alla en une autre chambre et s'alla habiller d'habillemens royaux, beaux et riches. Et tout ainsi habillée elle s'en vint en la chambre ou estoit le conte et la contesse et Pierre.
25 Quant le conte et la contesse la virent furent grandement esbahis, qui elle pouvoit estre, ne de quel lieu pouvoit venir si belle dame. Et Pierre se leva
��'■"■
�� �
