lieu eut jugement contre luy. Il luy fu dit d’aucuns sages : « Vous avés fait folie de plaider de ce chastel, car il se demaine par les coustumes du royaume pour ce que c’est des fiefs d’Ostrevant ». Sur ce, il vint à Paris et amenda au Roy ce que plaidié avoit à Mons des fiefs du royaume, et eut lettres que li procez fu ramenez et renovelez à Bouchainz, tant que li sires de Sorel qui l’avoit perdu à Mons eut jugement à Bouchaing, et encore en joent li enfans de la femme audit chevalier, et avoit tousjours li diz chevalier à ses jours de plaiz des gens du Roy avec luy, car il fut depuis pour ceste cause moult haïs des comte et comtesse de Haynaut.
Item, li abbés de Saint Denys en France a terre à Solemmes[1] enclavée en Haynaut. Là avoit un gardien de par le Roy, lesquels fu hays de ii hommes qui le tuerent et furent bannis du royaume pour ledit fait, à Valenciennes alerent manoir ; mais ce fu par deçà l’Escaut de la partie d’Ostrevant. Fremins de Cocquerel[2], qui estoit lors bailly de Vermandois, prit gent qu’il mena à Valencienes et là prit les deux valets, et emna à Saint Quentin et les feit pendre ; et en telle saizine demoura sans faire amende.
S’ensuit comme li comtes de Hainaut out la garde des eglises d’Ostrevant et comme il a abusé et deceu le Roy.
Premierement, il fu voir que le comte Jean de Hainaut maria ses deux filles : l’une au comte d’Artois Robert[3], et l’autre au connestable Raoul de Neelle[4]. Et quand le Roy assiegea Lille, M CC XCVII, lidits cuens Jeans et Jeans, ses fils, furent à belle compagnie avec le Roy, et au partir de l’ost li dis cuens d’Artois et le conestable firent tant au Roy que il bailla les gardes d’eglises d’Ostrevant au comte de Haynaut ; et ce que il a, il a du Roy. Or feiGnit que ce n’est mie pour ce, ains est de leur droit demaine. Nea[n]moints, il n’a mie grant temps que les lettres du Roy du don que il li fist desdites gardes fu veuee et leue ; dont après l’ost s’en repentirent.
Item, à ce don ne voult oncques obéir li abbés d’Anchyn qui pour
- ↑ Solesmes, Nord, arr. de Cambrai, ch.-l. de cant.
- ↑ Firmin de Coquerel fut bailli de Vermandois de 1308 à 1313 (Henri Waquet, le Bailliage de Vermandois aux XIIIe et XIVe siècles, p. 178). Il rectifie L. Delisle (Recueil des histoires des Gaules et de la France, t. XXIV, 1re partie, p. *75) qui le fait bailli de 1309 à 1315.
- ↑ Marguerite de Hainaut, fille de Jean II d’Avesnes et de Philippe de Luxembourg, épousa en 1298 Robert II, comte d’Artois, et mourut le 18 octobre 1342.
- ↑ Isabelle de Hainaut fut la seconde femme de Raoul II de Clermont, seigneur de Nesle, connétable de France.
