de Haynaut avoit fait à l’eglise, il fu jugié à xxM livres tant au Roy comme à la partie, et en tint prison au Louvre.
Item, adonc, mist li Roys en l’eglise pour warder, Huon de Lesdaing[1], escuyer ; et depuis que les guerres commencerent, un chevalier nommé le seigneur de Lieramnon[2] ; et depuis, un sergent d’armes, Guillaume de Noyers. Et en ce temps devant, et depuis grant pieces, le bailly de Vermendois et le prevost de Saint Quentin usoient en tout Ostrevant en cas de ressort, et en droit domaine de Anchin et de Hanon, et y firent plusiuers exploicts, dont aucuns ensuivent.
Premier, messire Symon de Lalaing, peres au seigneur qui à present y est, fu soubsçoné d’avoir occis le seigneur d’Ynmer ( ?), son oncle ; et madame de Haynaut, mere à monseigneur de Beaumont[3] qui ores est, le voult pour ce faire pendre. Il s’alla pour ce fait mettre à loy à Bouchaing en Ostrevant, avec luy deux sergeans du Roy pour veoir le droit que on li feroit et pour commander qu’à loy on le receust. Sur ce, on l’em voult mener par les gens de Haynaut hors le royaume ; li sergens du Roy le prenssent en plain plaids à Bouchaing et l’emmenerent à Saint Quentin, où il attendit loy et fut purgié du fait.
Item, depuis, le sire de Lalaing eust à faire contre les religieux d’Anchin pour sauls que il plantoit par force en certains lieux, et en vilenerent un moyne qui les esrachoit. Sur ce, li prevost de Saint Quentin y vint par plusieurs fois et eracha les saux, et prit le contens en la main du Roy, et fu le sire de Lalain contraints à amender ce que meffait avoit, et l’amenda.
Item, messire Gerars de Sorel en Vermandois prit à femme la fille du comte de Samnes[4], que puessedi out monseigneur Renier de Choysel ; elle avoit un chastel dit Prouvy[5], fief d’Ostrevant enclavé en Haynaut. Une (sic) oncle à la dame li toloit ce chastel ; sur ce, le sires de Sorel ala plaider à Mons, et par les coustumes du
- ↑ Lesdain, Nord, arr. de Cambrai, cant. de Marcoing.
- ↑ Probablement auj. Liéramont, Somme, arr. de Péronne, cant. de Roisel.
- ↑ Jean de Hainaut, sire de Beaumont, fils de Jean II d’Avesnes, comte de Hainaut, et de Philippe de Luxembourg, l’un des plus valeureux chevaliers du xive siècle ; il mourut à Valenciennes, le 11 mars 1356 (voir sur lui : Kervyn de Lettenhove, Œuvres de Froissart, t. XX, p. 289, et Biographie nationale de Belgique, t. II).
- ↑ Il faut lire Salmes. Renier III de Choiseul avait en effet épousé Isabelle de Salm, fille de Guillaume, comte de Salme (P. Anselme, Hist. généal., t. IV, p. 831).
- ↑ Prouvy, Nord, arr. et cant. de Valenciennes.
