Page:Bertin - Les Vilottières.djvu/13

Ung petit blanc ou blanc entier.
Ung liard à l’aigle ou ung denier.
Et faisant ung si grand tapaige.
Que tout dansoyt dans le mesnaige ;
Las ! les routiers de ce bon temps
Estoyent de maulvais garnemens !

Pourtant la vieille bourdelière.
Vint près d’elle et lui dict ma chière ;
Plus ne viendront de ces soudarts.
Ce sont tous ribleurs et raillards ;
Véci venir saint personnaige.
Fort emprins de ton beau visaige.
Généreulz comme ung hault baron.
Aussi riche que Salomon !
Adonc faics lui moult chière lie.
De gentille folastrerie.
Déjà l’entend qui monte ici.
Adieu, te laisse avecque, le véci ;

C’estoyt ung bon et vieulz chanoyne.
Du chapitre de Saint Antoyne.
Ça dict il. ma chière enfant ;
Vous parroyssez l’air bien dolent !
Las ! Monseigneur, suis malhaignée !
Et malement vitupérée ;
Ce dont ai vergogne et chagrin.
Veulz vous reconforter ung brin.