vnes eſtans tombées entre mes mains, examinées & recognuës, i’euſſe iugé eſtre coulpable de la punition diuine, & des hommes capables en ce meſtier, de les laiſſer courir plus auant ſans en mõſtrer les defectuoſitez, puis qu’elles importent au Roy & au public.
Premierement leurs propoſitions font clairement voir & paroiſtre qu’ils ne parlent que par autruy & par des memoires de perſonnes mortes, leſquelles n’õt iamais eſté recognuës, ny eu aucunes charges, ny Offices dans nos diuines Fodines, ſoubs quelque Prince de la terre que ce ſoit, ſi bien que de les croire ce ſeroit s’embarquer dans vn long voyage laborieux, & de tres-grande deſpence ſur vne ſimple planche de fondement, & abuſer de l’immenſe grandeur de ſa Majeſté, & prodiguer ſes finances trop legerement.
Ils parlent des lieux où ils n’ont iamais eſté, ils trauerſent les entrailles de la terre dans l’imagination de leur eſprit, & s’ils ne furent iamais au fond d’vne Mine, qui fait ſouuent fremir les plus hardis eſprits, ſi vne longue pratique ne les à aſſeurez, au peril de leur vie à toute heure du iour.
En premier lieu ils diſent que dans les montagnes de France il y a d’innumerables threſors, mais qui le leur a dit, ce n’eſt pas par ſciẽce qu’ils ayent appris dans les Mines, ny
