Page:Bertereau - Veritable declaration des riches & inestimables thresors, nouvellement descouverts dans le Royaume de France.pdf/5

5

reſchal d’Effiat, Sur-intendant General des Finances & des Mines & Minieres de Frãce, ſous laquelle i’ay voulu à mes propres fraiz & deſpens m’aſſeurer des lieux où eſtoient les Mines, les meilleures, & les plus faciles à ouurir, & qui apporteroient plus de profit à ſa Maieſté : Pour cét effet i’ay voyagé ſix annees cõtinuelles par toutes les Montagnes du Royaume, & dãs les lieux où i’ay iugé y pouuoir rencontrer quelque choſe, i’ay trouué quantité de bonnes Mines, remplies de Metaux, & de tres bons & excellẽs Mineraux, capables eſtans bien trauaillees, de rendre ſa Maieſté le plus puiſſant Monarque de la terre, en Or, en Argent, & en toutes ſortes de Metaux & Mineraux : I’en ay tiré de toutes ſortes de matieres ſuffiſammẽt, qui ſont auec moy, Et de toutes eſt fait les eſſays en bonne quantité, pour recognoiſtre le degré de leur bonté, & quelle vtilité en pourroit retirer ſa Maieſté, leſquels ont eſté portez & monſtrez aux Miniſtres de l’Eſtat, & à ſon Conſeil, ſi bien qu’il ne reſte plus que de cõmencer les ouuertures, & mettre l’ordre requis à telles entrepriſes : que ie feray quand il plaira à Mõſeigneur le Mareſchal ; Mais voyant que ſa Maieſté a eſté iuſqu’auiourd’huy trõpee par pluſieurs perſonnes qui ont prins des Commiſſions pour deſcouurir leſdites Mines, & s’en ſont tres-mal

A iii