leur à dit, ou ſont les procés verbaux qu’ils en ont faict deſſus les lieux, & les eſſays qu’ils en ont tiré, en preſence de qui, & ou ſont tant de ſortes de Mines & Mineraux, que ne les à-on apportées au Conſeil de ſa Majeſté, ou à Monſeigneur le Mareſchal, ils diſent le tenir des Hiſtoires, & principalement de Pline, qui à eſcript la plus grande partie de ſon Hiſtoire, ſur des memoires, & par ouït dire comme eux : Eſt-ce pas choſe digne de riſée de faire telles propoſitions, il falloit auoir veu, obſerué, recognu, & experimenté. Et s’ils l’auoient fait, ils auroient dit pluſieurs choſes ſur ce ſubject deſquelles ils ne parlent point.
Ils diſent en troiſieſme lieu, que les memoires qu’ils en ont leur à apris, mais les particularitez qu’ils rapportent de ceſte multitude de Montagnes, (ſi promptement couruës) & l’adjouſtement des enſeignements qui leur en ont eſté donnez, iuftifient clairement qu’ils n’en ont aucune practique, puis qu’ils ne parlent pas dans les termes de l’Art.
Ie laiſſe ſoubs ſilence, & cõme choſe inutile, leurs diſcours pour perſuader ce trauail & ces belles objections qui ſe font à deſſein.
Comme auſſi ces facilitez de parfaire leur entrepriſe, me contentant de dire la deſſus qu’ils parlent trop generalement, trop legerement, & trop hardiment, d’vn fait du tout important : mais ils ne diſent pas le pouuoir faire, & n’en donnent aucunes preuues, qui ſeroient neanmoins tres vtiles & neceſſaires pour les faire croire capables d’vne ſcience où la practique & la cognoiſſance leur defaut. Ie les conſeille chariblement d’aller ſeruir les Officiers des Mines d’Hongrie, à Scheminis, & là faire leur apprentiſſage dans la Mine du Bibertollen, qui à huict cens toiſes de profondeur.
Il eſt certain & aduoüé de tous ceux qui ont la cognoiſſance des Mines, qu’il n’y à aucun Metail dans ſa matrice ſans meſlange letorogene, eſtant touſiours meſlée auec lomogene : & qui le contre-
