uertures & mettre l’ordre requis à telles entrepriſes, que ie feray quand il plaira à Monſeigneur le Mareſchal : Mais voyant que ſa Majeſté à eſté iuſques aujourd’huy trompée par pluſieurs perſonnes qui ont prins des Commiſſions pour deſcouurir leſdites Mines, & s’en ſont tres-mal acquitez, au prejudice de ſes ſujects & au meſpris du Royaume, lequel en eſt fourny auec plus d’abondance qu’autres Pays, ie veux faire voir en ce petit Diſcours que l’ignorance de ces gens là à apporté vne grande perte aux finances de ſa Majeſté, ſoit de la perte du temps qui ne ſe recouure iamais, ſoit de la mauuaiſe croyance qu’ils ont donnée aux eſtrangers, & aux ſujets, que les Mines de France eſtoiẽt de peu de valeur, & qu’elles couſteroient beaucoup plus à les trauailler qu’elles ne rapporteroient de profit, ce qui eſt neantmoins tres faut & digne de punition : Mais pour faire voir clairement & ouuertement à vn chacun le manquement de ces gens là, & le moyen d’éuiter leur fineſſe & recognoiſtre leur capacité, i’en diray mes ſentiments en ce petit Diſcours, fondée ſur mes experiences.
Pluſieurs diſcourent des Mines, des Metaux & Mineraux qui s’y peuuent trouuer dedans, mais comme les Aueugles iugent des couleurs, par le raport d’autruy, qui n’en ont eù non plus qu’eux la cognoiſſance, ou par des memoires delaiſſés de ceux qui n’ont peu paruenir à leur cognoiſſance, ny ouuerture, & ſoubs ces imaginations ſe forment des idées Platoniques, & propoſent ce qu’ils ne ſçauroient faire, & ce qu’ils n’ont iamais veu faire, deſquelles propoſitions quelques vnes eſtant tombées entre mes mains, examinées & recogneuës, i’euſſe iugé eſtre coulpable de la punition diuine, & des hommes capables en ce meſtier, de les laiſſer courir plus auant ſans en monſtrer les deffectuoſitez, puis qu’elles importent au Roy & au public.
Premierement leur propoſitions font clairement voir & pa-
