Page:Bertereau - Véritable déclaration de la descouverte des mines et minieres de France Beau-Soleil.pdf/6

2

toutes les particularitez neceſſaires en cét Art, vne longue ſuite d’années eſt requiſe, la demeurance de deſſus les lieux, & vne continuelle deſcente dedans les Puits, & Canaux des Mines, auec vn quotidien exercice aux Officines des fontes, ſeparations & eſpreuues : Ce qu’ayant faict depuis trente années auec les plus honorables charges qui ſoient parmy les Offices de cét Art, tant du S. Siege Apoſtolique, de la Sacrée Majeſté Imperiale, qu’autres grands Princes Chreſtiens : Enfin mon inclination, & celle de mon Mary, portée au ſeruice du Roy tres Chreſtien, des Miniſtres de ſon Eſtat, & de tous ſes ſubjects, nous fit reſoudre à le venir ſeruir, eſtant aſſeurée par pluſieurs voyages que ie y auois fait auec mon Mary, que le Royaume de France eſtoit plein de tres bonnes Mines, & de toutes ſortes de Metaux, & Mineraux, où eſtant arriuée i’eu l’honneur d’auoir vne Commiſſion de Monſeigneur le Mareſchal Deffiat, Sur-intendant general des finances & des Mines & Minieres de France, ſoubs laquelle i’ay voulu à mes propres fraiz & deſpens m’aſſeurer des lieux où eſtoient les Mines, les meilleures & les plus facilles à ouurir, & qui apporteroient plus de profit à ſa Majeſte : Pour cét effect i’ay voyagé ſix années continuelles par toutes les Montagnes du Royaume, & dans les lieux ou i’ay iugé y pouuoir rencontrer quelque choſe, i’ay trouué quãtité de bonnes Mines, remplyes de Metaux, & de tres bons & excellents Mineraux, capables eſtant bien trauaillées, de rendre ſa Majeſté le plus puiſſant Monarque de la terre, en Or, & en Argent, & en toutes ſortes de Metaux & Mineraux : I’en ay tiré de toutes des matieres ſuffiſamment, qui ſont auec moy, Et de toutes eſt fait les aſſay en bonne quantité, pour recongnoiſtre le degré de leur bonté, & quelle vtilité en pourroit retirer ſa Majeſté, leſquels ont eſté portés & monſtrés aux Miniſtres de l’Eſtat, & à ſon Conſeil, ſi bien qu’il ne reſte plus que de commencer les ou-