.jpg)
VERITABLE DECLARATION
DE LA DESCOVVERTE DES MINES ET
MINIERES DE FRANCE, PAR LE MOYEN DESQVELLES
ſa Majeſté & ſes ſubjects ſe peuuent paſſer de tous les Pays
eſtrangers. Enſemble des proprietez d’aucunes ſources & eaux
Mineralles deſcouuertes depuis peu de temps à
Chaſteau-Thierry.
Luſieurs voyant au frontiſpice de ce diſcours
le nom de Femme, me iugeront a meſme
temps pluſtoſt capable de l’œconomie d’vne
maiſon, & des delicateſſes accouſtumées au
ſexe, que capable de faire percer, & creuſer
des montagnes, & tres-exactement iuger les
grands threſors, & benedictions, enfermés &
cachés dans icelles : Oppinion vrayment pardonnable à ceux qui
n’ont leu les Hiſtoires anciennes, où il ſe void que les Femmes ont
eſté non ſeullement tres-belliqueuſes, vaillantes & courageuſes
aux armes, mais encores tres-doctes en la Philoſophie, & qu’elles
ont enſeigné aux Eſcholles publiques, parmy les Grecs & les Romains. Ie confeſſe ingenuëment la congnoiſſance des Mines
eſtre tres-occulte, l’experience tres dificile, & la practique tres-perilleuſe,
& que pour paruenir à vne parfaicte cognoiſſance de
