dira ie m’offre à le vaincre par demonſtration. Ie dis donc qu’il ne ſe treuue que tres rarement du Plomb qu’il ne tienne d’Argent & n’en eſt iamais treuué qu’en Pologne, à la mine de Kakaray, duquel les eſproueurs aux Officines de Cremis, Scheminis, & Neuſol en Hongrie, s’en ſeruent pour faire leur eſſay : auſſi il n’y a point de Cuiure qui ne tienne d’Argent, & bien ſouuent d’Or, & d’Argent : Comme la Mine de Neuſol, qui depuis quinze cens ans eſt trauaillée, & rend encores chaſque année tous frais faits deux mil Richedales à ſa Sacrée Majeſté Imperialle, comme ie feray voir par les Cedulles de la Chambre dudit Neuſol, Signé Rozé Lieutenant du Baron de Beau-Soleil pour ſa Majeſté Imperialle, ſi biẽ que ceux qui ignorent le principe des Metaux, leur flus, & ſeparation dans le Fourneau du grand Teſt, perdent vn grand bien, & vendent le fin Or & Argent auec leur Plomb & Cuiure, & auec les autres metaux meſlangez, & au lieu de trouuer du profit, ils trouuent de la perte : Et au contraire ceux qui par vne longue experience ſçauent ſeparer Letorogene de l’Omogene, ils trouuent vn grand profit, & font rapporter de grandes commoditez dans les Finances de leurs Princes.
De ces choſes il ſe peut conclure que les vrays imitateurs de Nature, ont vn grand aduantage à la tranſmutation des Metaux, comme en tranſmuant le Fer en Acier, l’Acier & le Fer en Cuiure, le Cuiure en Argent, & l’Argent en Or, le Plomb en Mercure & en Eſtain, & meſme en Or & Argent, & en tirent vne Medecine vniuerſelle pour guarir toutes maladies, par la cognoiſſance qu’ils ont de leur Mercure vif, & de leur Soulphre incombuſtible : Auſſi ceux la font la vraye tranſmutation, & ceux cy la ſeule ſeparation.
Quant à la quantité & qualité des Mines de France, elles ſont en grand nombre, & en diuerſes Prouinces, comme dans la Pro-
