Le texte de cette page a été corrigé et est conforme au fac-similé.
55
nouvelle Eſpagnole.
tendres encore que ſpirituelles. Il obtint d’elle la permiſſion de renoncer au monde pour vivre ſous la terre, & elle s’en fit beaucoup prier, quoy qu’elle n’eût point d’autre deſir que de l’engager à prendre ce party.
La guayeté de Mama revint peu à peu, & ſa beauté en fut plus parfaite, mais l’amour du Gnome en fut allarmé ; il avoit trop d’eſprit, & il connoiſſoit trop le dégouſt de Mama, pour croire que l’habitude d’eſtre à luy puſt adoucir ſa peine. Mama avoit l’imprudence de ſe parer, il ſe faiſoit trop de juſtice pour croire qu’il en fuſt digne, il chercha tant, qu’il demeſla qu’il y
