Cette page a été validée par deux contributeurs.
141
nouvelle Eſpagnole.
n’oſoit eſperer, elle n’auroit point laiſſé quelque adreſſe du lieu où elle eſtoit allée ; mais il ne trouva rien qui luy en puſt donner le moindre indice. Cette avanture l’affligea beaucoup ; il ne ſçavoit ce qu’Inés penſeroit de luy ; elle ignoroit les raiſons qui l’avoient retenu auprés du Roy ; elle pouvoit l’accuſer de negligence, peut-eſtre d’infidelité, de mépris ; tout devoit paroiſtre vray-ſemblable à une perſonne qui avoit fait un pas ſi conſiderable, & qui ſe voyoit ainſi laiſſée, & quoy qu’il ſe fuſt preſque attendu à ce qui luy arrivoit en ce moment, il ne s’y trouva plus preparé.
