Le texte de cette page a été corrigé et est conforme au fac-similé.
109
nouvelle Eſpagnole.
nouvelle de ſon départ le devança de quelques jours. Philippe II eſtoit trop ſevere pour pardonner une faute de cette nature ; & joignant la colere à ſa dureté naturelle, il le fit arreſter proche de Madrid, & luy fit faire ſon procez par le Conſeil d’Eſtat. Dom Loüis de Cordoue en eſtoit le Chef, las Torres tenoit le ſecond rang, & leur autorité avec leur credit, les rendoit maiſtres de ſa deſtinée. Sa mort, ou une priſon perpetuelle, eſtoient les peines qu’on luy pouvoit impoſer. La mort eſtoit proportionnée à la ſeverité du maiſtre & devoit effrayer ceux qui auroient eſté capables de
