Page:Bernard - Federic de Sicile.djvu/81

qui me feroit ſoupçonner, que quelqu’intereſt de cœur conduit icy vos pas, ſi je ne ſçavois bien qu’aprés l’infidélité du Prince encore ſi recente, vous ne ſeriez pas capable d’un nouvel attachement. Et moy, Madame, luy répondit-elle avec un ſouris malicieux, je croirois que vous me ſoupçonneriez par un mouvement aſſez intereſſé, ſi je ne voyois la Princeſſe de qui vous avez plus à craindre que de moy. À ce mot toute replique ceſſa, elles marcherent inſenſiblement ſur les traces de Camille, qu’elles atteignirent avant qu’elle fût entrée dans l’allée, ſi-bien qu’animées toutes trois du méme eſprit de jalouſie, elles retournerent dans une autre, & ne ſe quitterent point qu’elles n’euſſent veu le Prince, qui laſſé de les attendre s’en eſtoit allé, & les ayant veu prendre une autre route, avoit crû ſes intrigues finies ſans s’en eſtre mêlé. Il crut que leur fierté les avoit empeſché d’éclater devant des rivalles, ou que la ſeverité d’Amédée, dont il n’avoit pas remarqué la paſſion, les avoit retenuës ; enfin ne ſçachant à qui devoir ſon bonheur, il ſe reſolut d’en profiter, &