a cause du mauvais temps. Monsieur le cardinal le receut tres bien et luy respondit qu’il confereroit de ce qu’il luy avoit dit avec Mrs de la Force, moy et de Chomberg, que le roy avoit envoyés lieutenans generaux sous luy en ses armées ; et puis, qu’il luy feroit response le lendemain. J'estois present a cette premiere veue du comte de Saint Maurice et de monsieur le cardinal, et me sembla qu'il estoit bien ayse de s’abboucher avec Mr le prince de Piemont, esperant que cette entreveue pourroit engendrer l’entier accommodement des affaires, ce qu’il desiroit pour retourner promptement a la court ou il sçavoit que l’on luy faisoit de mauvais offices en absence, et je l'y exhortay en allant a Ainey[1] ou il vouloit loger ne se trouvant bien a l’archevesché.
Il avoit envoyé querir Mrs de Montmorency, la Force, Chomberg et Alaincourt, quy le vindrent trouver aux jardins d’Ainey ou il leur demanda leur avis sur ce que le comte de Saint Maurice luy avoit proposé de l’entreveue. Mr d’Alaincourt luy dit qu’il n’y voyoit point d’inconvenient : mais Mr de Chomberg quy opina apres luy, soit pour montrer son bel esprit en fortifiant de raysons une mauvaise opinion, ou pour contrarier seulement la precedente, dit qu’il n’estoit point d’avis que monsieur le cardinal vit Mr de Piemont au Pont de Beauvoisin pour plusieurs raysons : l’une, qu’il sembleroit que monsieur le cardinal le fut allé chercher, et montreroit par là l’avidité qu'il avoit d’avoir la paix, ce que connu des Espagnols, ils la luy donneroint avec de plus rudes conditions ; l’autre, que c’estoit un
- ↑ Maison avec des jardins, à la jonction du Rhône et de la Saône.
