un pouvoir pour commander aux armées du roy contre les huguenots de Languedoc, son pouvoir fut estendu jusques en Provence et en Dauphiné, et luy s’en retournant en France et passant par Lion, le parlement deputa le premier president et nombre de conseillers pour luy venir faire la reverence. Mr le Prince quy fait plus d’honneur a un chascun que l’on ne luy en demande, les vint recevoir jusques au bas de son degré, les conduisit jusques a leurs carrosses, dont ils firent rapport au parlement, et le mirent sur leurs registres, et en suitte firent un arrest par lequel il fut deffendu d’aller plus saluer le gouverneur de la province ny le lieutenant de roy s'ils ne leur rendoint le mesme honneur, ce que l’un ny l’autre ne voulurent faire. Ainsy Mr le Comte a son arrivée a Grenoble l’année passée comme le roy alloit a Suse, ne fut point visité par le parlement ; mais on luy dit aussy que c’estoit parce que le roy estoit a Grenoble, et que, luy present, la court en corps n’alloit trouver personne. Mais a son retour a Valence ladite cour de parlement ayant envoyé le premier president et nombre de conseillers trouver le roy, ils firent pressentir a Mr le Comte s’il leur voudroit rendre l'honneur qu’ils pretendoint, ce qu’il leur refusa, et eux s’estans addressés au garde des sceaux pour les presenter au roy, Mr le Comte leur fit refuser l’audience sur le pretexte qu’ils venoint d’une ville pestiferée. Sur cela il se traitta des moyens d’accommodement et on fit esperer a Mr le Comte que la court se mettroit en son ancien devoir, le premier president en ayant asseuré Mr de Seneterre. Pour cet effet Mr le Comte vint a Grenoble sans le roy a la sollicitation de Mr le mareschal de Crequy : Mr de Seneterre arriva
Page:Bassompierre - Journal de ma vie, 4.djvu/122
Le texte de cette page a été corrigé et est conforme au fac-similé.
115
1630. juillet.
