A ceste fin ledit sieur mareschal fit marcher sur les aisles la cavallerie, qui estoit au nombre de quatre à cinq cens maistres qui approcherent des murailles, avec une tres grande industrie, sans estre apperceuz des ennemis : pendant lequel temps il se fit une sortie de la Rochelle qui retarda un peu les nostres d’entrer dedans, à cause du combat qui se donna. Mais aussi il ne fut pas plustost finy que les troupes advancerent avec tant de valleur et de generosité, que l’on se saisit incontinent dudit bourg : ce qui fut sceu dans la Rochelle en mesme temps ; au moyen de quoy les habitans firent une autre sortie, tant de gens de pied que de cheval, avec quelques pieces de campagne qu’ils firent approcher dudit bourg de la Fons : et furent si fort animez en ceste sortie, qu’ils voulurent esprouver si les nostres auroient autant de courage à conserver la place qu’ils avoient prise, comme ils avoient eu d’astuce et de valeur à s’en saisir. Ausquelles espreuves, combien qu’ils firent de grands efforts, neantmoins ils furent traittez comme il leur appartenoit : et est tres-certain que de sept ou huict cens qu’ils estoient à leur arrivée, il en demeura pour le moins la moictié sur la place, et le surplus fut mis en desroute. De maniere que par ces exploicts de guerre le Roy a tiré un grand advantage en ses affaires, pour ce qui regarde la perfection du siege : et le progrez en est si favorable, qu’à present l’on esleve comme l’on veut le fort qui estoit commencé il y a long temps : et d’autre part les Rochelois, (outre qu’ils sont par ce moyen regardez de prés) d’autre costé ils trouvent une incommodité nompareille, à cause que l’on couppe les passages des eaux douces qui alloient dans la Rochelle.... »
Le 7 août le sieur Paul le Goux, secrétaire, fut introduit dans la ville sous la surveillance de deux commissaires, et s’entretint avec le maire. (Journal de Mervault.) Il paraît que le cardinal de Richelieu avait d’abord autorisé l’entrée de Paul le
