mine[1], le vendredy a Fontenay le Comte, et le samedy 23me a Niort, ou le roy sejourna le dimanche pour tenir conseil de guerre et juger les prisonniers, a quy ils appartenoint.
Le lundy Mr de Bullion[2] fut ouy au conseil, quy estoit arrivé le soir auparavant, envoyé par Mr Desdiguieres pour porter quelques conditions proposées par ceux de la Religion, tendantes a la paix ; ou il fut resolu de la response que l’on feroit sur chasque article. Mais le soir Mr de Puisieux fit voir au roy la despesche particuliere quy luy avoit esté faite, et ouit[3] Mr de Bullion là dessus : il me fit l’honneur de m’y appeller et de prendre mon avis sur la response secrette quy fut faite, quy estoit l’essentielle, la precedente n’estant que pour amuser les ministres du conseil quy ne vouloint la paix en aucune façon.
Le mercredy 27me d’avril le roy partit de Niort et fut coucher a Chisay.
Il est a sçavoir que le roy estoit party de Blois pour venir en Poitou, fort animé contre Mr d’Espernon, tant par les mauvais offices que luy avoit rendus ce Fay que le roy luy avoit envoyé, que parce qu’il n’avoit peu estre porté par les reitérés commandemens du roy d’aller secourir le Poitou et Mr de la Rochefoucaut. Mr le cardinal de Rets et Mr de Chomberg n’estoint pas ses amis et ne parloint pas en sa faveur ; sy faisoit bien Mr le Prince : je faisois aussy, selon ma petite
