porter[1], et me dit que je me preparasse de partir cinq jours apres avesques luy pour aller a la Rochelle. Je luy demanday en quelle qualité il luy plaisoit que je le suyvisse. Il me respondit : « Vous moqués vous de me demander cela ? En qualité de mon lieutenant general. » Je luy dis là dessus que Mr d’Angoulesme occupoit desja cette qualité en son armée laquelle en sa presence n’estoit jamais commandée que par les mareschaux de France quand il y en avoit ; que je luy suppliois tres humblement de ne me point mener là pour faire un affront a ma charge. Il se fascha lors contre moy et me dit qu’il n’avoit garde de luy donner aucune charge, et qu’il luy envoyeroit commander de se retirer. Je le suppliay lors qu’il me fit donner cette parole par monsieur le cardinal, et que lors je le tiendrois pour asseuré parce que, luy l’ayant fait aller a l’armée, il luy voudroit conserver. Le roy me le promit, et estant le jour mesme revenu a Paris cheux la reine sa mere, il fit que monsieur le cardinal me dit la mesme chose dont il m’avoit asseuré a Saint Germain ; et ce quy me le persuada davantage fut le mareschal de Chomberg quy estoit mon compagnon en charge et en cette commission, lequel m’en donna entiere asseurance.
Sur cela le roy s’achemina a petites journées jusques a Monlivaut[2] pres de Blois, ou il fut quelque temps
- ↑ Le roi était venu à Saint-Germain le 25 août : son entretien avec le maréchal de Bassompierre eut lieu le 12 septembre, jour où il alla passer quelques heures à Paris : il partit de Saint-Germain le 17 septembre, pour voyager à petites journées.
- ↑ Montlivault, village de l’arrondissement et canton de Blois. Le roi y arriva le 29 septembre.
