aussy luy fit office quand le roy promit a luy et a moy deux bastons de mareschaux de France. Mais apres la mort de Mr le cardinal de Rets, quy avoit suyvy d’assés pres celle du garde des sceaux de Vie[1], il se jetta entierement avec Mr le Prince pour faire Alligre garde des sceaux, bien que Mr de Puisieux l’eut servy a obtenir les gouvernemens d’Angoulmois et Limousin : allors Mr de Puisieux se porta entierement contre luy. Il avint peu apres, au commencement du siege de Montpelier, que Mr de Chomberg tomba extremement malade, et que pendant ce temps là Mr de Commartin fut fait garde des sceaux, lequel estoit son ennemy desclaré de longue main, et encores de nouveau pour l’exclusion qu’il luy avoit faite aux sceaux. Ils se joignirent lors, Mr de Puisieux et luy, pour donner sur la malle de Mr de Chomberg, dirent au roy que, pendant qu'il faisoit la charge de l'artiglerie, il negligeoit celle des finances, et qu’il laissoit desrober impunement les tresoriers ; qu’il ne l’entendit pas bien, et que les affaires du roy desperissoint entre ses mains. Le roy est de son naturel susceptible aux mauvais offices que l’on veut faire aux autres vers luy, et singulierement quand son interest y est meslé, et est bon mesnager jusques a pencher vers l’avarice en petites choses, et cependant jamais il n’y eut roy en France quy ait tant donné, tant despendu, et par consequent tant tiré de son royaume que luy : mais comme il croit extremement conseil et se fie a ceux qu’il a une fois choysis pour luy donner, cela despend du conseil que
Page:Bassompierre - Journal de ma vie, 3.djvu/169
Le texte de cette page a été corrigé et est conforme au fac-similé.
165
1622. décembre.
