jour là garde des sceaux. Il[1] revint en diligence trouver le roy auquel il dit ce que j’avois mandé a Mr de Comartin. Le roy luy dit qu’il n’en estoit rien et que j’en estois mal averty sy je luy avois mandé, ce qu’il ne croyoit pas. En suitte il[2] fit dire le mesme au roy par Mrs Erouart son premier medecin[3], Sauveterre, Gailleteau[4], Beautru[5] et autres, ausquels le roy fit la mesme response. Sur cela le roy sçachant que j’estois malade, m’envoya visiter par Mr de Lisle Rouet[6] auquel il donna charge de me dire que nostre homme avoit mal gardé le secret que je luy avois tant recommandé ; que cela l’avoit obligé de me donner forces desmentis pour lesquels nous ne viendrions point sur le pré, et qu’il persistoit en ce qu’il m’avoit dit : comme il fit aussy, et donna l’apres disner les sceaux a Mr de Comartin, dont l’autre cabale fut bien estonnée.
On n’avança rien cette nuit là aux tranchées, a faute de barriques. Mais le lendemain samedy 24me nous gaignames a la sappe la pointe du ravelin que
- ↑ Il, le prince de Condé.
- ↑ Il, encore le prince de Condé.
- ↑ Jean Hérouard, sieur de Vaugrigneuse, né à Montpellier, mort pendant le siège de la Rochelle, a laissé un journal détaillé de la vie particulière du roi Louis XIII, dont il fut le premier médecin.
- ↑ Galleteau, premier valet de chambre du roi.
- ↑ Guillaume de Bautru, né en 1588, mort en 1665, devenu en 1636 comte de Serrant par acquisition, fut conseiller au grand conseil. Il était frère de Nicolas de Bautru, comte de Nogent, capitaine des gardes de la porte.
- ↑ N. de la Beraudière, seigneur de l’Isle-Rouet.
