jusques sur les cinq heures du soir qu’il fut ouvert, et je fus ordonné present, affin d’autoriser, avesques messieurs les premiers gentilshommes de la chambre, et quattre ou cinq autres, seigneurs ou conseillers d’Estat. Il avoit deux coups [quy luy entroint dans le corps][1], l’un desquels estoit leger, mais l’autre luy coupoit la veine arterieuse : il estoit d’une tres bonne disposition, et n’avoit dans son corps aucune chose quy ne tesmoygnat une longue vie ; c’estoit le plus espais estomac, au rapport des medecins et chirurgiens presens, que l’on aye veu ; il avoit le poulmon gauche un peu attaché aux costes. Apres cela on mit ses entrailles dans un pot, et son cœur en une caisse de plomb que l’on porta aux Jesuistes, et l’on embauma son corps quy fut mis au cercueil, et reposa huit ou dix jours dans la mesme chambre, y ayant deux autels aux costés, ou il se disoit des messes tant que le temps le permettoit, avec grand nombre de moines, et ses aumoniers quy y estoint jour et nuit a prier. Il y avoit aussy des gentilshommes et seigneurs destinés, outre les officiers particuliers de sa mayson, pour se relever de deux en deux heures [tant de jour que de nuit : il y a une heure principale quy est de dix a douse heures du matin, en laquelle][2] Mr le Comte et Mr de Guyse, Mr d’Espernon, Mr le mareschal de Laverdin[3], Mr de Crequy, Saint-Luc, la Rochefou-
Page:Bassompierre - Journal de ma vie, 1.djvu/316
Le texte de cette page a été corrigé et est conforme au fac-similé.
280
journal de ma vie.
![](http://upload.wikimedia.org/wikipedia/commons/thumb/c/c7/Bassompierre_-_Journal_de_ma_vie%2C_1.djvu/page316-1024px-Bassompierre_-_Journal_de_ma_vie%2C_1.djvu.jpg)