celuy quy estoit sur le cachet de la lettre, et qu’apres, je la fisse refermer, et il n’y paroistroit pas. Je la creus, et, ayant le lendemain envoyé mon vallet de chambre avesques la lettre, pour faire faire un pareil cachet, il se rencontra, par malheur, au graveur quy avoit fait le mesme cachet pour le roy, lequel, sans faire semblant de rien, fit tant qu’il tint la lettre du roy, et lors sauta au collet de mon vallet pour l’arrester : luy, quy estoit fort, se desmesla de luy, luy laissant son manteau et chapeau, et s’enfuit cheux moy fort esperdu, croyant que, s’il estoit pris, il seroit pendu deux heures apres. Je le fis cacher, et m’en allay trouver la comtesse de Moret, à laquelle je dis que, par malheur, pensant ouvrir un poulet qu’une dame m’avoit escrit, j’avois ouvert celuy que je luy portois de la part du roy ; et que, craignant qu’elle n’eut pensé que je l’eusse fait a dessein, j’avois voulu faire faire un nouveau cachet pour le refermer ; mais que mon vallet l’estant allé faire graver cheux celuy mesme quy les faisoit pour le roy, il avoit retenu la lettre ; et que, sy elle la vouloit avoir, il falloit qu’elle l’allat faire demander a ce graveur nommé Turpin. Elle ne fit que rire de cet accident, ne pensant pas que c’eut esté autrement que par hasard que j’eusse ouvert sa lettre, qu’elle m’eut fait voir ou le roy me l’eut montrée, sy j’en eusse eu la curiosité : c’est pourquoy, sans entrer en autre esclaircissement, elle envoya redemander sa lettre ; mais le graveur luy manda qu’elle n’estoit plus en sa puissance, mais bien en celle du president Siguier, quy presidoit a la Tournelle, a quy il l’avoit portée, lequel estoit un homme peu obligeant et austere, qu’elle, ny moy, ne con-
Page:Bassompierre - Journal de ma vie, 1.djvu/213
Le texte de cette page a été corrigé et est conforme au fac-similé.
177
1606. avril.
![](http://upload.wikimedia.org/wikipedia/commons/thumb/c/c7/Bassompierre_-_Journal_de_ma_vie%2C_1.djvu/page213-1024px-Bassompierre_-_Journal_de_ma_vie%2C_1.djvu.jpg)