malheur, et qu’il l’aymoit ; mais qu’il devoit aymer davantage le bien de sa couronne, quy l’obligeoit a faire servir d’exemple celuy quy, ayant plus receu de graces, avoit plus grievement failli ; et qu’il avoit de bons juges, et legitimes, ausquels il en laissoit le jugement. En fin le...[1] de juillet, il fut executé en la court de la Bastille, et fut plus agité et transporté en cette derniere action que l’on n’eut creu. Il fut le soir mesme enterré a Saint-Paul, a l’entrée du chœur de l’eglise, ou tout le monde luy alla jetter de l’eau benite.
Aust-Septembre. — Nous passames quelque partie de l’esté a Saint-Germain ; puis le roy, passant par Paris pour aller a Fontainebleau, pardonna au comte d’Auvergne, et le mit en liberté (octobre).
Novembre. — La reine accoucha de sa premiere fille[2], maintenant reine d’Espaigne, le 22e de novembre, a Fontainebleau, en la mesme chambre en ovale ou monsieur le dauphin estoit né. Nous revinmes a Paris sur l’hiver. Nous fismes un carrousel et plusieurs ballets (décembre).
Saubole[3] se barricada à Mets contre Mr d’Esper-