émoustillé par un diable de pucelaige, Blanche doncques se percha moult gentement dedans la grant chaire seigneuriale de son bonhomme, laquelle ne treuva point trop haulte, veu qu’elle comptoyt sur les hazards de la perspective. La rusée commère s’y accommoda dextrement comme une hirundelle en son nid, et pencha sa teste malicieuse sur le bras, en enfant qui dort ; mais, en faisant ces préparatoires, elle ouvroyt desyeulx friands qui soubrioyent, s’esbauldissant, par advance, des menues et secrettes gaudisseries, esternuemens, loucheries et transes de ce paige qui alloyt gezir à ses pieds, séparé d’elle par le sault d’une vieille puce. Et, de faict, elle advança tant et si bien le quarreau de veloux où debvoyt s’agenouiller le paouvre enfant dont elle iouoyt à plaizir l’ame et la vie, que, quand il eust esté un sainct de pierre, son resguard auroyt esté contrainct de suyvre les flexuositez de la robbe, à ceste fin de mirer et admirer les perfections et beaultez de la fine iambe qui mouloyt la chausse blanche de la senneschalle. Aussy, force estoyt qu’ung foible varlet se prins à ung piège où le plus vigoureux chevalier auroyt voulentiers succombé. Lorsqu’elle eut tourné, retourné, placé, desplacé son corps et rencontré la situation où ledict piège estoyt le mieulx tendu, elle cria doulcement : « Oh ! René ! » René, que elle sçavoyt bien estre en la salle des gardes, n’eut faulte d’accourir, et monstra soubdain sa teste brune entre les tapisseries de l’huys.
— Que plaist-il à vous ? dit le paige. Et il tenoyt, en grant respect, à la main, son tocquet de peluche cramoysie, moins rouge que ses bonnes ioues à fossettes et bien fresches.
— Venez çà ! reprint-elle de sa petite voix, veu que l’enfant luy attrayoyt si fort, qu’elle en estoyt toute espantée.
A vray dire, n’estoyent aulcunes pierreries si flambantes que les yeulx de René, ni velin plus blanc que son tainct, ni femme si doulce de formes. Puis, si près du dezir, elle le trouvoyt encores plus duysamment faict ; et comptez que le ioly ieu d’amour reluisoyt bien de toute cette ieunesse, du bon soleil, du silence, et de tout.
— Lisez-moy les litanies de madame la Vierge, luy dit-elle en luy poulsant ung livre ouvert sur son prie-Dieu. Que ie saiche si vous estes bien enseigné par vostre maistre !
Ne treuvez-vous point la Vierge belle ? luy demanda-t-elle en soubriant, quand il tint les Heures enluminées où esclatoyent l’azur et l’or.
