ung homme de sa maiesté virile. De cettuy Angelo les dames estoyent vrayment toutes picquées, pour ce que il estoyt ioly comme ung resve, mélancholicque comme est la palumbe seule en son nid par mort du compaignon. Et vécy comme. Cettuy sculpteur avoyt le grant mal de paouvreté, qui gehenne la vie en ses mouvemens. De faict, il vivoyt durement, mangiant peu, honteux de ne rien avoir, et s’adonnoyt à ses talens par grant desespoir, voulant, à toute force, gaigner la vie oysive, qui est la plus belle de toutes pour ceulx dont l’ame est occupée. Par braverie, le Florentin venoyt à la Court guallamment vestu ; puis, par grant timidité de ieunesse et de male heur, n’osoyt demander ses deniers au Roy, qui, le voyant ainsy vestu, le cuydoyt bien fourny de tout. Courtizans, dames, ung chascun souloyt admirer ses beaux ouvraiges et aussy le faiseur ; mais de carolus, nullement. Tous, et
Page:Balzac - Contes drolatiques.djvu/443
Le texte de cette page a été corrigé et est conforme au fac-similé.
415
DESESPERANCE D’AMOUR.
