Zacot napas vlé coûte narien ; li dire :
— Ça qui bon ramassé, bon gardé ! Mo napas rende encore.
Tourtie çagrin ; mais qui li capabe faire ? Li dire Zacot :
— Ah-bin ! compère, vende moi éne live : zenfants lacase napas gagne narien pour manzé.
— Napas moyen, commère ! mon douriz napas pour vende ; aile laboutique camila.
— Bon, compère ! Ene zour nous va guété.
- J\.là, éne zour, Zacot fine assise làhaut éne brance : so laquée traine par terre. Tourtie passé ; li trouve laquée là, li tchiombô li, li crié :
— Avlà mo fine trouve éne laquée zacot ! Ça qui bon ramassé, bon gardé ! Mo napas rende encore,
— Eh vous, commère ! vous badinez, vous ! Mo laquée ça !
— Douriz làhaut cimin, pour doumoune qui ramasse douriz là ; laquée làhaut cimin, pour doumoune qui ramasse laquée là.
Zacot en colère. Li tire so laquée ; tourtie napas largué, li sivré laquée. Zacot tiré, tourtie sivré : Zacot amène tout çaça dans tribinal.
Zize té làhaut siéze. Zacot dire li :
— Mo zize ! condamne Tourtie rende moi mo laquée.
