Ainsi maints petits compagnons
S’y font a coup gens de menée ;
Mais pour flestrir ces champignons,
Il ne faut qu’une matinée.
Tandis les vieux routiers de Mars,
Qui suivent leur prince aux hazards,
Honteux, et les discours moins saffres,
Sont contraincts par un sort fatal
Faire monstre de leurs balaffres
Sur les degrez d’un hospital.
Aussi les rois porte-couronnes
Devroyent balancer les personnes
Qu’aux charges ils vont eslevant,
Mais les fleurs hastives se passent,
Et les grands estouffent souvent
Ceux-là que plus fort ils embrassent.
Les faveurs de nos rois sacrez
Ce sont des tournoyants degrez
Que pour monter il faut descendre,
Les sages s’esloignent exprés
De ce feu qui reduit en cendre
Ceux qui s’en approchent trop près.
Combien de gloutonnes sang-suës,
Du sang des innocens repuës
Viennent rendre gorge à la fin !
Les rois permettent qu’on se plonge
Dans leurs thresors : mais c’est afin
D’en pressurer apres l’esponge.
Ces crimes seroient esbloüys
Si l’hospital de Sainct Louys
Page:Auvray - Le Banquet des Muses, 1865.djvu/37
Cette page n’a pas encore été corrigée
