Le texte de cette page a été corrigé et est conforme au fac-similé.
PREFACE
——
L’AUTHEUR A SON LIVRE
a, Livre, tu n’es que trop beau
Pour estre né dans le tombeau
Duquel mon exil te delivre ;
Seul pour nous deux je veux perir :
Commence, mon enfant, à vivre,
Quand ton pere s’en va mourir.
Encores vivray-je par toy,
Mon filz, comme tu vis par moy ;
Puis il faut, comme la nourrice
Et fille du Romain grison,
Que tu allaicte et tu cherisse
Ton pere en exil, en prison.