DEUX SONNETS DE DANIEL CHAMIER
L’UN POUR METTRE AU DEVANT
DU LIVRE INTITULÉ LES FEUX
——
POUR LES FEUX
n mesme esprit de feu fit la saison fertile
Des champions du Christ, qui au feu, qui en l’eau
Et aux fers ont montré ce courage nouveau
Et paisible aux torments, et en la nuict facile.
Mesme feu anima cet Angelique style
Qui fait fleurir les morts et revivre au tombeau,
Encouragea l’autheur aux mespris du couteau,
Et d’un funeste arrest et de la mort civile.
Tesmoing des saincts tesmoings, vray martyr des martyrs,
Tu te mesle avec eux pour le moins de desirs.
Chacun de vous faict part de l’estat où vous estes,
Et là prend de l’autruy : car, en changeant de sort,
Tu les fais, Aubigné, après leur mort poètes ;
Ils te font, Aubigné, martyr avant ta mort.
