Le texte de cette page a été corrigé et est conforme au fac-similé.
20
le livre
Sonnet
Ie vis, ie meurs : ie me brule & me noye.
I’ay chaut eſtreme en endurant froidure :
La vie m’eſt & trop molle & trop dure,
I’ay grans ennuis entremeſtez de ioye :
Tout à un coup ie ris & ie larmoye,
Et en plaiſir maint grief tourment i’endure :
Mon bien s’en va, & à iamais il dure :
Tout en un coup ie ſeicbe & ie verdoye.
Ainſi Amour inconſtamment me meine :
Et quand ie penſe auoir plus de douleur,
Sans y penſer ie me treuue hors de peine.
Puis quand ie croy ma ioye eſtre certeine,
Et eſtre au haut de mon deſiré heur,
Il me remet en mon premier malheur.
Louife Labé.
