Le texte de cette page a été corrigé et est conforme au fac-similé.
Ballade
En regardant vers le pays de France
Ung jour m’avint, à Dovre ſur la mer,
Qu’il me ſouvint de la doulce plaiſance
Que ſouloie ou dit pays trouver ;
Si commençay de cueur à ſouſpirer,
Combien certes que grant bien me faisoit,
De veoir France que mon cueur amer doit.
Je m’aviſay que c’eſtoit nonſavance,
De telz ſoufpirs dedans mon cueur garder,
Veu que je voy que la voye commence
De bonne paix, qui tous biens peut donner ;
Pour ce tournay en confort mon penſer.
Mais non pourtant, mon cueur ne ſe laſſoit
De veoir France que mon cueur amer doit.
