Le texte de cette page a été corrigé et est conforme au fac-similé.
APPENDICE
LES RÈGLES DE LA BALLADE
I
Or ſera dit & eſcript cy-apres la façon des Balades ; & premièrement eſt aſſavoir qu’il eſt Balade de huit vers dont la rubriche eſt pareille en ryme au ver anteſequent, & toutefois que le derrain mot du premier ver de la Ballade eſt de trois ſillabes, il doit eſtre de onze piez, ſi comme il ſera veu par exemple cy-après, & ſe le derrenier mot du ſecond ver n’a que une ou deux ſillabes, ledit ver ſera de dix piez ; & ſe il y a aucun ver coppé qui ſoit de cinq piez, cellui qui vient après doit eſtre de dix.
Exemple ſur ce qui dit eſt :
Balade de huit vers couppez.
Je hez mes jours & ma vie dolente,
Et je maudis l’eure que je fu nez ;
Et à la mort humblement me preſente
